વાંકાનેરના માટેલ નજીક પાવર હાઉસ સામેથી અજાણ્યા યુવાનનો મૃતદેહ મળ્યો: ઓળખ મેળવવા તજવીજ
Morbi Today
મોરબીના રાજપર ગામે ઘરમાંથી 50 બોટલ દારૂ સાથે આરોપીની ધરપકડ
SHARE
JOIN OUR GROUP
મોરબીના રાજપર ગામે ઘરમાંથી 50 બોટલ દારૂ સાથે બુટલેગરની ધરપકડ
મોરબી તાલુકાના રાજપર ગામે રહેણાંક મકાનમાં દારૂનો જથ્થો હોવાની હકીકત મળી હતી. જેના આધારે સ્થાનિક પોલીસ દ્વારા ત્યાં દારૂની રેડ કરવામાં આવી હતી. ત્યારે સ્થળ ઉપરથી દારૂની 50 બોટલ મળી આવી હતી. જેથી પોલીસે 18,750 ની કિંમતનો દારૂનો જથ્થો કબજે કર્યો હતો. અને આરોપીની ધરપકડ કરી હતી. તેની સામે મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.
બનાવની જાણવા મળતી વિગત પ્રમાણે મોરબી તાલુકા પોલીસની ટીમ પેટ્રોલિંગમાં હતી. ત્યારે મોરબી તાલુકાના રાજપર ગામે જુના ગામના ઝાંપા વાડી શેરીમાં રહેતા જયદીપભાઇ જીલરીયાના રહેણાંક મકાનમાં દારૂનો જથ્થો હોવાની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી. ત્યારે ઘરમાંથી દારૂની 50 બોટલો મળી આવી હતી જેથી પોલીસે 18,750 ની કિંમત નો દારૂનો જથ્થો કબજે કર્યો હતો અને આરોપી જયદીપભાઇ જીવણભાઈ જીલરીયા જાતે બોરીચા (24) રહે. રાજપર જૂના ગામના ઝાંપા વાળી શેરી રાજપર મોરબી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે અને આ શખ્સની પાસેથી મળી આવેલ દારૂની બોટલો તે ક્યાંથી લાવ્યો હતો? તે દિશામાં પોલીસ દ્વારા તપાસ કરવામાં આવી રહી છે.
વરલી જુગાર
મોરબીમાં આવેલ ઝવેરી શેરી પાસે જાહેરમાં વરલી જુગારના આંકડા લેવામાં આવતા હોવાની હકીકત મળી હતી. જેને આધારે પોલીસે ત્યાં વરલી જુગારની રેડ કરી હતી. ત્યારે સ્થળ ઉપરથી આંકડા લેતા એક શખ્સ મળી આવ્યો હતો જેથી પોલીસે 210 રૂપિયાની રોકડ કબજે કરીને આરોપી દિનેશભાઈ ચત્રભુજભાઇ કારીયા જાતે લોહાણા (60) રહે. ઘંટીયાપા ગ્રીનચોક પાસે મોરબી વાળાની ધરપકડ કરી હતી અને તેની સામે ગુનો નોંધીને આગળની કાર્યવાહી હાથ ધરી છે
