મોરબી નજીક શોરૂમના પાર્કિંગમાંથી બાઈકની ચોરી: માળીયાના ચાંચાવદરડા ગામેથી બાઇક ચોરી કરનાર ઝડપાયો
SHARE
JOIN OUR GROUP
મોરબી નજીક શોરૂમના પાર્કિંગમાંથી બાઈકની ચોરી: માળીયાના ચાંચાવદરડા ગામેથી બાઇક ચોરી કરનાર ઝડપાયો
મોરબી રાજકોટ હાઇવે રોડ ઉપર આવેલ ઈક્વિટીના શોરૂમના પાર્કિંગમાંથી બાઈકની ચોરી કરવામાં આવેલ છે જયારે માળીયા મીયાણા તાલુકાના ચાંચાવદરડા ગામે વાડીના શેઢે મૂકેલા બાઈકની ચોરી કરવામાં આવી હતી જે ગુનામાં પોલીસે આરોપીની ધરપકડ કરીને આગળની કાર્યવાહી કરેલ છે.
જાણવા મળતી માહિતી મુજબ મોરબી રાજકોટ હાઇવે રોડ ઉપર આવેલ ઈક્વિટીના શોરૂમના પાર્કિંગમાં મોરબીના બાયપાસ રોડ ઉપર આવેલ ગોકુલનગર શેરી નં-22 માં રહેતા કાનજીભાઈ વાલજીભાઈ ડાભી જાતે સતવારા (46)એ પોતાનું બાઈક નંબર જીજે 10 ડીબી 7347 પાર્ક કરીને મૂક્યું હતું. જે ૩૦ હજાર રૂપિયાની કિંમતના બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી ભોગ બનેલા યુવાન દ્વારા મોરબી એ ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવવામાં આવી છે. જયારે માળીયા મીયાણા તાલુકાના ચાંચાવદરડા ગામે રહેતા ઘનશ્યામભાઈ મહાદેવભાઈ આદ્રોજા જાતે પટેલ (56)એ પોતાની વાડીના સેઢે બાઈક કરીને મૂક્યુ હતું જે બાઈક નંબર જીજે 3 એએસ 4757 જેની કિંમત 25 હજાર રૂપિયા તે બાઇકની હનીફભાઇ દોસમામદભાઇ કાજેડીયા જાતે મિયાણા (28) રહે. કાજરડા તાલુકો માળીયા વાળાએ ચોરી કરી હતી જે ગુનામાં પોલીસે આરોપીની ધરપકડ કરી આગળની કાર્યવાહી હાથ ધરી છે.
