મોરબીના બાયપાસ રોડ પાસે આવેલ સોસાયટીની પાછળ મેદાનમાંથી અજાણ્યા આધેડનો મૃતદેહ મળ્યો
Morbi Today
મોરબીના જીંજુડા ગામે દુકાન પાસે ગાળો બોલતા ત્રણ શખ્સોને સમજાવવા ગયેલ યુવાનનું ધોકો મારીને માથું ફોડી નાખ્યું
SHARE
JOIN OUR GROUP
મોરબીના જીંજુડા ગામે દુકાન પાસે ગાળો બોલતા ત્રણ શખ્સોને સમજાવવા ગયેલ યુવાનનું ધોકો મારીને માથું ફોડી નાખ્યું
મોરબી તાલુકાના જીંજુડા ગામે પાન મસાલાની દુકાન પાસે ગાળો બોલતા ત્રણ શખ્સોને સમજાવવા માટે ગયેલા યુવાનને લાકડાના ધોકા વડે માથાની પાછળના ભાગે માર માર્યો હતો તથા ઢીકાપાટુનો માર મારવામાં આવ્યો હતો અને મારા મારીના આ બનાવમાં બે વ્યક્તિને ઇજા થઈ હતી જેથી ઈજા પામેલા બંને વ્યક્તિઓને સારવાર માટે હોસ્પિટલે લઇ ગયા હતા અને યુવાનને માથાની પાછળના ભાગે ચારથી પાંચ જેટલા ટાંકા આવ્યા હોય તેને સારવાર લીધા બાદ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ત્રણ શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે.
મોરબી તાલુકાના જીંજુડા ગામે રહેતા સબીરભાઈ હુસેનભાઇ નોડે (40)એ મોરબી તાલુકા પોલીસ સ્ટેશન ખાતે સલીમભાઈ સેડાત, અનવરભાઈ સેડાત અને આમીન કરીમભાઈ મિયાણાની સામે ફરિયાદ નોંધાવેલ છે જેમાં જણાવ્યુ છે કે, ઝીંઝુડા ગામે અકબરભાઈની પાન મસાલાની દુકાન આવેલ છે અને ત્યાં દુકાન પાસે ગાળો ન બોલવા માટે થઈને ફરિયાદી આરોપીઓને સમજાવવા માટે ગયો હતો ત્યારે આમીન મીયાણાએ લાકડાના ધોકા વડે ફરિયાદીને માથાના પાછળના ભાગે માર મારીને ગંભીર ઇજા કરી હતી જ્યારે સલીમભાઈ અને અનવરભાઈએ ફરિયાદી તથા સાહેદ મોહમ્મદ હુસેનભાઈને ઢીકાપાટુનો મારમારીને ઇજાઓ કરી હતી જેથી બંને ઇજાગ્રસ્તોને સારવાર માટે હોસ્પિટલે ખસેડવામાં આવ્યા હતા અને ફરિયાદીને માથાના પાછળના ભાગે ચારથી પાંચ જેટલા ટાંકા આવ્યા હતા. આ બનાવ સંદર્ભે હાલમાં યુવાને નોંધાવેલ ફરિયાદ આધારે પોલીસે ત્રણ શખ્સો સામે ગુનો નોંધીને આરોપીઓને પકડવા માટે તજવીજ શરૂ કરેલ છે
બાઈકની ચોરી
મોરબીમાં લાલબાગની પાછળના ભાગમાં આવેલ વર્ધમાન સોસાયટીમાં રહેતા નીતિનભાઈ દેવરામભાઈ કાથરાણી (58) નામના આધેડે હાલમાં અજાણ્ય શખ્સની સામે મોરબી બી ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવેલ છે જેમાં જણાવ્યુ છે કે, લાલબાગ પાસે આવેલ સિધેશ્વર મહાદેવ મંદિર નજીક ચાની લારી પાસે તેને પોતાનું બાઈક નંબર જીજે 36 એકયુ 6018 પાર્ક કરીને મૂક્યું હતું જે 20 હજાર રૂપિયાની કિંમતના બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલ આધેડે નોંધાવેલ ફરિયાદ આધારે પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે.
